NUTK-İ ŞERÎF
Her nefesde 'aşk ile giryân olup Allah derim
Her seherde bülbül-i nâlân olup Allah derim
Nûr-i zâtıyla tecellîsi beni benden alup
Hâl-i istiğrak ile hayrân olup Allah derim
Nûr-i zâtı "nûrun 'alâ nûr" mahveder evsâfımı
Bahr-ı nûra gark ile 'ummân olup Allah derim
Berk-ı zâtı 'akl u fikri mahv-ı izmihlâl eder
'Aşk ile mecnûn ü sergerdân olup Allah derim
Nefs ü kalb ü rûh u sırrım cem'a erişüp
Cezbe-i kübrâda hep feverân olup Allah derim
Gâh sırrımdan "lâ hû" ve "illâ hû" deyu
Gâh "enellah" tûruna mihmân olup Allah derim
Esfel ü a'lâda Allah dünyâ vü 'ukbâda Hû
Neşr-i zâta haşr ile 'uryân olup Allah derim
'Arş ü kürsî seyrângehidir sâlik-i sâdıkların
Gâh şuhûd-i "külle yevmin şân" olup Allah derim
"Kâbe kavseyn" rütbe-i cem'-i kemâlullahdır
Lâkin vâdî-i hüviyyet kân olup Allah derim
Cân ü cismi küllü mahv ile erişdik Hazret'e
Hakk'da sıfât-ı vücûd olup Allah derim
Zâkirânı kürsî bilüp Sâmiyâ hakka'l-yakîn
Gâh mezkûr u zâkir-i Sübhân olup Allah derim
Şeyh Abdurrahmân Sâmî Saruhânî
Kaddesallahu Sırrahu'l-Âlî